Psa 47 | YON | STEP | Yook ambo bi ye karub yeman. Yook kuu Korah ye awoyambed wongkiwen. Ambibkin koremdan, yiib dingki wangkime, God yaa kubiyiibbed baandime.

Psalms 47

Yook 47

Yook ambo bi ye karub yeman. Yook kuu Korah ye awoyambed wongkiwen.

1 Ambibkin koremdan, yiib dingki wangkime,
God yaa kubiyiibbed baandime.
2 Amborom kuu Korem Burudandoon Arimbed YeYariman kuyaa kuu unime andi yeman,
ye kuu King miin darewoob arimbed okad korem oonimaan kui.
3 Yembed ambibkin maa maa ben nub ooni dabderem yiri keroon,
yi kuu nub yon dabderem yiri ben nongkoboon.
4 Yembed nub yumbon kuu nub dowad kine kowoon,
kukuu nub okad kui,
kuyaa kuu Godbed mimyob dowaken keenoonman Yekobbed kerengkan keroon.Selah
5 God kuu kube komkimaib ye kidangkambed daanoon,
kuYariman kui, ye kuu kibi komkimaib kumbed daanoon.
6 God yaa ye aningko kankooni yook wingkime, kuye yook wingkime,
nub King yaa ye aningko kankooni yook wingkime, kuye yook wingkime.
7 Kedi, God kuu okad kumundin ye king,
ye yaa yook kangdommombed ye aningko kankoone wingkime.
8 Godbed ambibkin korem kuu oonimaan,
God kuu ye dibere oonimbon karadmo arimbed dibeen.
9 Ambibkindan yi korok korok kuu
Abraham ye God ye nimakarub yoom nedbimaib,
amborom kuu okad yiridan yaa oonidan kuu God yeman kowe,
ye yaa darewoobmo aningko kankooni yeman.